酒店大廚教煮老少平安　10分鐘就食得【有片】

大家經常食到的老少平安，食材亦需豆腐、蛋、鯪魚肉等等，相當容易買到，加上這菜真的老少咸宜。而且煮法又簡單，所以老少平安可說是每個家庭必備的菜式。如果想煮出快靚正的老少平安，可跟著怡東酒店怡東軒中菜行政總廚黃永強一起做，10分鐘便可完成。先看片，看如何做得到。

▲ 怡東酒店怡東軒中菜行政總廚黃永強(程志遠 攝)

黃永強師傅先分享3個秘訣：

1. 豆腐買回來後要用水浸過面，才放入雪櫃，這樣就可保持其幼滑度。

2. 把食材撈勻時，豆腐一定要最後落，因豆腐易標水，如太早落蒸出來口感會欠佳。

3. 撈勻食材時，必須要同一方向攪，這樣豆腐便不會出水。

步驟

1. 豆腐清潔乾淨用碗裝著，水要浸過面，可放入雪櫃儲存。
2. 豆腐用紙索乾後，備用。跟著可以加入蝦米、冬菇粒、果片蓉、鯪魚肉、雞蛋、鹽、胡椒粉及生粉，把所有食材撈勻。

▲ 豆腐最後才下，可避免出水。(程志遠 攝)

3. 撈勻食材後，便可下豆腐撈，盡量搓爛豆腐後，以同一方向撈勻，這樣不容易出水，撈完便可落碟。

▲ 撈勻食材後，可鋪平放在碟上。(程志遠 攝)

4. 大約蒸7-10分鐘，不要蒸太久，若太久會很老，不好食了。

▲ 只需蒸7-10分鐘便完成。(程志遠 攝)

【延伸閱讀】大廚教煎外脆內嫩豆腐竅門【有片】

【延伸閱讀】酒店主廚教清洗鮑魚 牙刷擦生鮑魚令肉質變韌【有片】

【延伸閱讀】大廚授蒸嫩滑肉餅秘訣【有片】

【延伸閱讀】煲出綿滑口感白粥 大廚教路水與米黃金比例【有片】